tabhi to rah gae chehre pe sirf dagh mere
tabhī to rah ga.e chehre pe sirf daaġh mire
bujhā ke koī ravāna huā charāġh mire
tumhārī khoj kī hotī thī pesh-raft jidhar
maiñ bhej detā thā us samt meñ surāġh mire
bulā to luuñ maiñ ziyāfat pe tujh ko ghar pe magar
ki pī gayā koī kal shab sabhī ayāġh mire
tujhe ḳhabar hī nahīñ hai mire gulāb tirī
mahak talāshne nikle haiñ saare baaġh mire
kahāñ kahāñ tū mujhe DhūñD pā.egā 'aḳhtar'
mujhe bhī milte nahīñ ab to kuchh surāġh mire
tabhi to rah gae chehre pe sirf dagh mere
bujha ke koi rawana hua charagh mere
tumhaari khoj ki hoti thi pesh-raft jidhar
main bhej deta tha us samt mein suragh mere
bula to lun main ziyafat pe tujh ko ghar pe magar
ki pi gaya koi kal shab sabhi ayagh mere
tujhe KHabar hi nahin hai mere gulab teri
mahak talashne nikle hain sare bagh mere
kahan kahan tu mujhe DhunD paega 'aKHtar'
mujhe bhi milte nahin ab to kuchh suragh mere
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
