na-ashna-e-haq hun magar justuju to hai
nā-āshnā-e-haq huuñ magar justujū to hai
asrār-e-haq ko jānñe kī aarzū to hai
zinda huuñ is yaqīñ ke sahāre ki mere paas
daulat agar nahīñ hai na ho aabrū to hai
merī nazar meñ aur koī ho na ho magar
is meñ koī kalām nahīñ hai ki tū to hai
ye phuul ḳhush-numā to ba-zāhir nahīñ magar
is meñ ḳhulūs aur mohabbat kī bū to hai
'rāhī' vo naġhma-zan hai suno tanz mat karo
she'roñ meñ laakh vazn na ho ḳhush-gulū to hai
na-ashna-e-haq hun magar justuju to hai
asrar-e-haq ko jaanne ki aarzu to hai
zinda hun is yaqin ke sahaare ki mere pas
daulat agar nahin hai na ho aabru to hai
meri nazar mein aur koi ho na ho magar
is mein koi kalam nahin hai ki tu to hai
ye phul KHush-numa to ba-zahir nahin magar
is mein KHulus aur mohabbat ki bu to hai
'rahi' wo naghma-zan hai suno tanz mat karo
she'ron mein lakh wazn na ho KHush-gulu to hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
