hazar chehre agarche duniya mein ru-baru the magar wo chehra

hazār chehre agarche duniyā meñ rū-barū the magar vo chehra

hazār lamhe dil-e-shikasta kī justujū the magar vo chehra

ḳhayāl aise bhī jī meñ aa.e jo haft-iqlīm meñ na paa.e

bahut the aise jo lā.iq-e-sad-hazār-jū the magar vo chehra

bahut the bāzār meñ chaman meñ ra.īs-e-mahfil kī anjuman meñ

bahut javāhar the jo salātīñ kī aabrū the magar vo chehra

charāġh-e-bazm-e-jahāñ ka.ī the parī-nafas naġhma-ḳhvāñ ka.ī the

hazār the jo ki zeb-e-guldān-e-rang-o-bū the magar vo chehra

bahut manāzir the sub.h-o-shām-e-bahār-e-'ālam meñ jalva-farmā

bahut se un meñ bahisht-sāmān-e-ārzū the magar vo chehra

tilism-e-hairat mudām ghere rahā hameñ aa.ine kī sūrat

'ajab tamāshe nigār-'ālam ke chār-sū the magar vo chehra

'ajīb vahshat milī chaman meñ sukūn paayā na anjuman meñ

bahut se mūnis hamārī āñkhoñ ke rū-barū the magar vo chehra

hazar chehre agarche duniya mein ru-baru the magar wo chehra

hazar lamhe dil-e-shikasta ki justuju the magar wo chehra

KHayal aise bhi ji mein aae jo haft-iqlim mein na pae

bahut the aise jo laiq-e-sad-hazar-ju the magar wo chehra

bahut the bazar mein chaman mein rais-e-mahfil ki anjuman mein

bahut jawahar the jo salatin ki aabru the magar wo chehra

charagh-e-bazm-e-jahan kai the pari-nafas naghma-KHwan kai the

hazar the jo ki zeb-e-guldan-e-rang-o-bu the magar wo chehra

bahut manazir the subh-o-sham-e-bahaar-e-'alam mein jalwa-farma

bahut se un mein bahisht-saman-e-arzu the magar wo chehra

tilism-e-hairat mudam ghere raha hamein aaine ki surat

'ajab tamashe nigar-'alam ke chaar-su the magar wo chehra

'ajib wahshat mili chaman mein sukun paya na anjuman mein

bahut se munis hamari aankhon ke ru-baru the magar wo chehra