dil ki KHwahish hai ki wo zahr phir ek bar piyun
dil kī ḳhvāhish hai ki vo zahr phir ik baar piyūñ
raat kā karb sahūñ din kī tamāzat meñ jalūñ
aisī halchal meñ sukūñ kā bhī koī lamha ho
kāñpte 'aks ko kuchh der Thahar kar dekhūñ
ajnabiyyat meñ bhī ik lutf-e-shanāsā.ī hai
rok kar us ko kabhī naam to us kā pūchhūñ
paaoñ sarsabz zamīñ par bhī na gar hoñ sairāb
kyuuñ maiñ jalte hue sahrā ke safar se lauTūñ
maiñ tazādāt kī duniyā meñ huuñ tanhā 'maz.har'
us ko chāhūñ bhī magar us se gurezāñ bhī rahūñ
dil ki KHwahish hai ki wo zahr phir ek bar piyun
raat ka karb sahun din ki tamazat mein jalun
aisi halchal mein sukun ka bhi koi lamha ho
kanpte 'aks ko kuchh der Thahar kar dekhun
ajnabiyyat mein bhi ek lutf-e-shanasai hai
rok kar us ko kabhi nam to us ka puchhun
paon sarsabz zamin par bhi na gar hon sairab
kyun main jalte hue sahra ke safar se lauTun
main tazadat ki duniya mein hun tanha 'mazhar'
us ko chahun bhi magar us se gurezan bhi rahun
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
