chaaragari muhaal teri justuju mein hai

chāragarī muhāl tirī justujū meñ hai

so ḳhauf-e-indimāl tirī justujū meñ hai

kal kī kise ḳhabar ki kare kaun justujū

is dam ḳharāb haal tirī justujū meñ hai

zinda hai terī yaad ko yakjā kiye hue

vo sāhib-e-kamāl tirī justujū meñ hai

maḳhmūr kar rahī hai nigāhoñ kī aarzū

furqat meñ bhī visāl tirī justujū meñ hai

ik baar dekh aa ke mirī hālat-e-tabāh

kis nahj par ḳhayāl tirī justujū meñ hai

hai tangī-e-hayāt bhī har lahza justujū

jiinā magar muhāl tirī justujū meñ hai

letī hai intiqām tire bin fanā-e-zīst

ye saañs bhī bahāl tirī justujū meñ hai

betābiyoñ ko baa'd tire kaun de javāb

merā to har savāl tirī justujū meñ hai

kar de jo āshnā mujhe 'ahd-e-'urūj se

vo hasrat-e-zavāl tirī justujū meñ hai

raqs-e-bahār ho ki ho bād-e-ḳhizāñ kā shor

ek ek māh-o-sāl tirī justujū meñ hai

tū duḳhtar-e-nasīm-e-sahar hai to raushnī

ik ā.ina-misāl tirī justujū meñ hai

chaaragari muhaal teri justuju mein hai

so KHauf-e-indimal teri justuju mein hai

kal ki kise KHabar ki kare kaun justuju

is dam KHarab haal teri justuju mein hai

zinda hai teri yaad ko yakja kiye hue

wo sahib-e-kamal teri justuju mein hai

maKHmur kar rahi hai nigahon ki aarzu

furqat mein bhi visal teri justuju mein hai

ek bar dekh aa ke meri haalat-e-tabah

kis nahj par KHayal teri justuju mein hai

hai tangi-e-hayat bhi har lahza justuju

jina magar muhaal teri justuju mein hai

leti hai intiqam tere bin fana-e-zist

ye sans bhi bahaal teri justuju mein hai

betabiyon ko ba'd tere kaun de jawab

mera to har sawal teri justuju mein hai

kar de jo aashna mujhe 'ahd-e-'uruj se

wo hasrat-e-zawal teri justuju mein hai

raqs-e-bahaar ho ki ho baad-e-KHizan ka shor

ek ek mah-o-sal teri justuju mein hai

tu duKHtar-e-nasim-e-sahar hai to raushni

ek aaina-misal teri justuju mein hai