lamha KHushi ka gham ki rida mein lipaT gaya

lamha ḳhushī kā ġham kī ridā meñ lipaT gayā

kuchh yuuñ bhī zindagī se mirā dil uchaT gayā

baaqī rahe na shīrīñ-o-farhād lailā qais

daur-e-jahāñ meñ 'ishq kā me'yār ghaT gayā

shahrī taraqqiyoñ kī ḳhushī to huī magar

saḌkeñ huiiñ jo puḳhta mirā gaañv kaT gayā

un bhā.iyoñ ke biich rahī itnī ranjisheñ

gaañv kā merā ghar ka.ī hissoñ meñ baT gayā

saarī du'ā.eñ kun kī tire muntazir rahīñ

aur āḳhirash ye saal bhī hasrat meñ kaT gayā

ik vaqt thā ki qahqahoñ se gūñjtā thā ghar

phir yuuñ huā ki ziist kā naqsha palaT gayā

'almās' zindagī jo ye vīrān ho ga.ī

mazbūt ik shajar thā jo rāhoñ se kaT gayā

lamha KHushi ka gham ki rida mein lipaT gaya

kuchh yun bhi zindagi se mera dil uchaT gaya

baqi rahe na shirin-o-farhad laila qais

daur-e-jahan mein 'ishq ka me'yar ghaT gaya

shahri taraqqiyon ki KHushi to hui magar

saDken huin jo puKHta mera ganw kaT gaya

un bhaiyon ke bich rahi itni ranjishen

ganw ka mera ghar kai hisson mein baT gaya

sari du'aen kun ki tere muntazir rahin

aur aaKHirash ye sal bhi hasrat mein kaT gaya

ek waqt tha ki qahqahon se gunjta tha ghar

phir yun hua ki zist ka naqsha palaT gaya

'almas' zindagi jo ye viran ho gai

mazbut ek shajar tha jo rahon se kaT gaya