kabhi to malega sukun-e-jigar

kabhī to malegā sukūn-e-jigar

kahīñ to rukegā ye raḳht-e-safar

ye duniyā hai ik 'ārzī jalva-gāh

na kar tū yahāñ par qayām-e-sahar

lahū bech kar jo kamāyā gayā

vahī rizq hai bas mirā mo'tabar

'abas hai ye shikva 'abas ye gila

nasīboñ kā likkhā hai pesh-e-nazar

vo sūraj ho tum jis kī tābindagī

añdheroñ meñ laatī hai nūr-e-sahar

jo dariyā kī maujoñ se laḌte rahe

unhīñ ko milā hai kināra magar

na bahroñ se vāqif na auzān se

magar naam rakkhā hai ahl-e-asar

ġham-e-rozgār-e-jahāñ kuchh nahīñ

tirā ġham agar hai mirā ham-safar

tirā harf-e-haq hai zamāne kī jaan

'ra.ūf' ab hai terā hī sikka idhar

kabhi to malega sukun-e-jigar

kahin to rukega ye raKHt-e-safar

ye duniya hai ek 'arzi jalwa-gah

na kar tu yahan par qayam-e-sahar

lahu bech kar jo kamaya gaya

wahi rizq hai bas mera mo'tabar

'abas hai ye shikwa 'abas ye gila

nasibon ka likkha hai pesh-e-nazar

wo suraj ho tum jis ki tabindagi

andheron mein lati hai nur-e-sahar

jo dariya ki maujon se laDte rahe

unhin ko mila hai kinara magar

na bahron se waqif na auzan se

magar nam rakkha hai ahl-e-asar

gham-e-rozgar-e-jahan kuchh nahin

tera gham agar hai mera ham-safar

tera harf-e-haq hai zamane ki jaan

'rauf' ab hai tera hi sikka idhar