ab bachaega bas KHuda mujhko
ab bachā.egā bas ḳhudā mujh ko
us ne de dī hai bad-du'ā mujh ko
jin gunāhoñ ko jāntā huuñ maiñ
un kī milne lagī sazā mujh ko
jab se bichhḌā huuñ apne saa.e se
log karte haiñ an-sunā mujh ko
uub jā.ūñgā zindagī se maiñ
kaash kar de koī ḳhafā mujh ko
ḳhud-ba-ḳhud zaḳhm bharte jā.eñge
tū gale se to bas lagā mujh ko
maiñ 'tarun' phir na tujh ko yaad aa.uuñ
itnī shiddat se bhuul jā mujh ko
ab bachaega bas KHuda mujh ko
us ne de di hai bad-du'a mujh ko
jin gunahon ko jaanta hun main
un ki milne lagi saza mujh ko
jab se bichhDa hun apne sae se
log karte hain an-suna mujh ko
ub jaunga zindagi se main
kash kar de koi KHafa mujh ko
KHud-ba-KHud zaKHm bharte jaenge
tu gale se to bas laga mujh ko
main 'tarun' phir na tujh ko yaad aaun
itni shiddat se bhul ja mujh ko
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
