jiwan mujhse main jiwan se sharmata hun
jīvan mujh se maiñ jīvan se sharmātā huuñ
mujh se aage jaane vaalo meñ aatā huuñ
jin kī yādoñ se raushan haiñ merī āñkheñ
dil kahtā hai un ko bhī maiñ yaad aatā huuñ
sur se sāñsoñ kā naatā hai toḌūñ kaise
tum jalte ho kyuuñ jiitā huuñ kyuuñ gaatā huuñ
tum apne dāman meñ sitāre baiTh ke Tāñko
aur maiñ na.e baran lafzoñ ko pahnātā huuñ
jin ḳhvāboñ ko dekh ke maiñ ne jiinā sīkhā
un ke aage har daulat ko Thukrātā huuñ
zahr ugalte haiñ jab mil kar duniyā vaale
mīThe boloñ kī vaadī meñ kho jaatā huuñ
'jālib' mere sher samajh meñ aa jaate haiñ
isī liye kam-rutba shā.er kahlātā huuñ
jiwan mujh se main jiwan se sharmata hun
mujh se aage jaane walo mein aata hun
jin ki yaadon se raushan hain meri aankhen
dil kahta hai un ko bhi main yaad aata hun
sur se sanson ka nata hai toDun kaise
tum jalte ho kyun jita hun kyun gata hun
tum apne daman mein sitare baiTh ke Tanko
aur main nae baran lafzon ko pahnata hun
jin KHwabon ko dekh ke main ne jina sikha
un ke aage har daulat ko Thukraata hun
zahr ugalte hain jab mil kar duniya wale
miThe bolon ki wadi mein kho jata hun
'jalib' mere sher samajh mein aa jate hain
isi liye kam-rutba shaer kahlata hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
