yun meri KHamiyon se hasad kar rahe ho kyun

yuuñ 'merī ḳhāmiyoñ se hasad kar rahe ho kyuuñ

tum aise iḳhtilāf kī had kar rahe ho kyuuñ

lagtā hai DhūñDte ho junūñ kā javāz tum

yuuñ imtiyāz-e-‘ishq-o-ḳhirad kar rahe ho kyuuñ

socho agar to is meñ bhalā hai tumhārā bhī

be-vaj.h merī baat ko rad kar rahe ho kyuuñ

paḌtā ho jin se maañd nigār-e-ġhazal kā husn

aisī rivāyatoñ ko sanad kar rahe ho kyuuñ

jo bāġhbān hai hī nahīñ us kī nazr tum

gulhā-e-tāza-tar kī sabad kar rahe ho kyuuñ

ye sab to haiñ tumhāre muqaddar kī rāhateñ

tum mere naam apnī rasad kar rahe ho kyuuñ

rabb-e-hunar se jaao karo tum shikāyateñ

'adnān' se tum itnā hasad kar rahe ho kyuuñ

yun 'meri KHamiyon se hasad kar rahe ho kyun

tum aise iKHtilaf ki had kar rahe ho kyun

lagta hai DhunDte ho junun ka jawaz tum

yun imtiyaz-e-‘ishq-o-KHirad kar rahe ho kyun

socho agar to is mein bhala hai tumhaara bhi

be-wajh meri baat ko rad kar rahe ho kyun

paDta ho jin se mand nigar-e-ghazal ka husn

aisi riwayaton ko sanad kar rahe ho kyun

jo baghban hai hi nahin us ki nazr tum

gulha-e-taza-tar ki sabad kar rahe ho kyun

ye sab to hain tumhaare muqaddar ki rahaten

tum mere nam apni rasad kar rahe ho kyun

rabb-e-hunar se jao karo tum shikayaten

'adnan' se tum itna hasad kar rahe ho kyun