ghalat sawal kisi ne maze se puchh liya

ġhalat savāl kisī ne maze se pūchh liyā

udāsiyoñ kā sabab qahqahe se pūchh liyā

qadam baḌhā.e to manzil se pahle ham na ruke

bhaTak gaye to pata rāste se pūchh liyā

baḌe salīqe se tum ne sitam kiyā us par

savāl 'umr kā ik bulbule se pūchh liyā

pareshāñ ho ke agar ham kisī se ro.e kabhī

to ham ne hal bhī usī mas.ale se pūchh liyā

tire javāb kī sanjīdgī kā kyā hogā

yahī savāl agar masḳhare se pūchh liyā

nahīñ galegī tirī daal us ke saath 'āsif'

hazār-bār baḌe qā'ede se pūchh liyā

ghalat sawal kisi ne maze se puchh liya

udasiyon ka sabab qahqahe se puchh liya

qadam baDhae to manzil se pahle hum na ruke

bhaTak gaye to pata raste se puchh liya

baDe saliqe se tum ne sitam kiya us par

sawal 'umr ka ek bulbule se puchh liya

pareshan ho ke agar hum kisi se roe kabhi

to hum ne hal bhi usi masale se puchh liya

tere jawab ki sanjidgi ka kya hoga

yahi sawal agar masKHare se puchh liya

nahin galegi teri dal us ke sath 'asif'

hazar-bar baDe qa'ede se puchh liya