bojh duniya ka akele to sanbhaala na gaya
bojh duniyā kā akele to sañbhālā na gayā
ḳhuld se tanhā to aadam ko nikālā na gayā
ek aadam hai jo din raat sahe jaa.e hai
tum farishtoñ se to ye rog bhī paalā na gayā
dekh kar us ko to hairān the jannat meñ sabhī
vo kabhī bhuul ke masjid yā shivāla na gayā
vo jo dīdār-e-ilāhī kī tamannā meñ rahe
un ke chehroñ se kabhī nuur kā haala na gayā
ham madīne kī fazāoñ se jo guzre haiñ kabhī
der tak apnī nigāhoñ se ujālā na gayā
bojh duniya ka akele to sanbhaala na gaya
KHuld se tanha to aadam ko nikala na gaya
ek aadam hai jo din raat sahe jae hai
tum farishton se to ye rog bhi pala na gaya
dekh kar us ko to hairan the jannat mein sabhi
wo kabhi bhul ke masjid ya shiwala na gaya
wo jo didar-e-ilahi ki tamanna mein rahe
un ke chehron se kabhi nur ka haala na gaya
hum madine ki fazaon se jo guzre hain kabhi
der tak apni nigahon se ujala na gaya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
