jaisi miTTi hogi waisa pauda niklega

jaisī miTTī hogī vaisā paudā niklegā

is imroz ko dekho jis se fardā niklegā

ye kis ne sochā thā milegā dāman-e-qātil saaf

ḳhūn-e-shahīdāñ rang kā itnā kachchā niklegā

mujh se bhī kitnoñ ne kahā hai garm hai ye afvāh

terī galī se maqtal tak ik rasta niklegā

dasht meñ jis dīvāne se pūchhoge us kā haal

mauj-e-sabā aur nik.hat-e-gul kā qissa niklegā

saarā shahr Darā baiThā hai apnī raat ke andar

sūraj laane ko dīvāna tanhā niklegā

maiñ ik ghā.il būḌhā bargad merī baat suno

lagtā hai kal har vaadī se sahrā niklegā

jaisi miTTi hogi waisa pauda niklega

is imroz ko dekho jis se farda niklega

ye kis ne socha tha milega daman-e-qatil saf

KHun-e-shahidan rang ka itna kachcha niklega

mujh se bhi kitnon ne kaha hai garm hai ye afwah

teri gali se maqtal tak ek rasta niklega

dasht mein jis diwane se puchhoge us ka haal

mauj-e-saba aur nikhat-e-gul ka qissa niklega

sara shahr Dara baiTha hai apni raat ke andar

suraj lane ko diwana tanha niklega

main ek ghail buDha bargad meri baat suno

lagta hai kal har wadi se sahra niklega