jahan phaile teri yaadon ke sae

jahāñ phaile tirī yādoñ ke saa.e

sitāre ban ke aañsū jagmagā.e

tumhārī be-ruḳhī ko ḳhaak parvā

tirī mahfil meñ koī ḳhaak aa.e

vo muñh ko pher kar kahte haiñ mujh se

tumhārā haal ab dekhā na jaa.e

tirī yādoñ ke rangīñ phuul ham ne

ḳham-e-gesu-e-daurāñ meñ sajā.e

mohabbat ho to masjūd-e-malā.ik

nahīñ to ham se behtar chār-pā.e

garebāñ kyā hai kyā is kī haqīqat

mirī vahshat se sahrā ḳhauf khaa.e

unhīñ se pūchhne 'vāsif' chalā hai

ijāzat ho to aa.uuñ bin-bulā.e

jahan phaile teri yaadon ke sae

sitare ban ke aansu jagmagae

tumhaari be-ruKHi ko KHak parwa

teri mahfil mein koi KHak aae

wo munh ko pher kar kahte hain mujh se

tumhaara haal ab dekha na jae

teri yaadon ke rangin phul hum ne

KHam-e-gesu-e-dauran mein sajae

mohabbat ho to masjud-e-malaik

nahin to hum se behtar chaar-pae

gareban kya hai kya is ki haqiqat

meri wahshat se sahra KHauf khae

unhin se puchhne 'wasif' chala hai

ijazat ho to aaun bin-bulae