main wo hun maine tumhaare paon par sar rakh diya

maiñ vo huuñ maiñ ne tumhāre paaoñ par sar rakh diyā

tum vo ho phir bhī gale par mere ḳhanjar rakh diyā

ye sitam the merī qismat meñ to qassām-e-azal

kyuuñ na is dil kī jagah pahlū meñ patthar rakh diyā

keh rahe haiñ mujh se vo dekhī tumhārī munsifī

dil to zulfoñ ko diyā ilzām mujh par rakh diyā

mujh se kahte haiñ qasam to ḳhair khā lete magar

haath tum ne kyā samajh kar mere sar par rakh diyā

ab vo ghar le jaa.eñ us ko yā sar-e-mahfil piyeñ

shaiḳh jī ke naam kā sāġhar to bhar kar rakh diyā

merī turbat par unheñ phir kaun lā.egā 'qamar'

qabr-e-bulbul par kisī ne kab ġhul-e-tar rakh diyā

main wo hun main ne tumhaare paon par sar rakh diya

tum wo ho phir bhi gale par mere KHanjar rakh diya

ye sitam the meri qismat mein to qassam-e-azal

kyun na is dil ki jagah pahlu mein patthar rakh diya

keh rahe hain mujh se wo dekhi tumhaari munsifi

dil to zulfon ko diya ilzam mujh par rakh diya

mujh se kahte hain qasam to KHair kha lete magar

hath tum ne kya samajh kar mere sar par rakh diya

ab wo ghar le jaen us ko ya sar-e-mahfil piyen

shaiKH ji ke nam ka saghar to bhar kar rakh diya

meri turbat par unhen phir kaun laega 'qamar'

qabr-e-bulbul par kisi ne kab ghul-e-tar rakh diya