kabhi duniya kabhi teri jafa ne mar Dala hai

kabhī duniyā kabhī terī jafā ne maar Daalā hai

ham aise log haiñ jin ko vafā ne maar Daalā hai

maiñ aisā gul thī jo shādāñ-o-farhāñ thī gulistāñ meñ

mujhe us ne mohabbat ke bahāne maar Daalā hai

maiñ taaza saañs lene aa.ī thī is shahr-e-yārāñ meñ

mujhe is shahr kī āb-o-havā ne maar Daalā hai

mirī āñkheñ huiiñ pur-nam zabāñ ḳhāmosh dil meñ ġham

mire hamdam mujhe terī 'atā ne maar Daalā hai

maiñ kab munkir huuñ rishtoñ ke taqaddus kī magar 'zobī'

ka.ī mazbūt rishtoñ ko anā ne maar Daalā hai

kabhi duniya kabhi teri jafa ne mar Dala hai

hum aise log hain jin ko wafa ne mar Dala hai

main aisa gul thi jo shadan-o-farhan thi gulistan mein

mujhe us ne mohabbat ke bahane mar Dala hai

main taza sans lene aai thi is shahr-e-yaran mein

mujhe is shahr ki aab-o-hawa ne mar Dala hai

meri aankhen huin pur-nam zaban KHamosh dil mein gham

mere hamdam mujhe teri 'ata ne mar Dala hai

main kab munkir hun rishton ke taqaddus ki magar 'zobi'

kai mazbut rishton ko ana ne mar Dala hai