hai zer-e-sang yahan soch ka ugaw abhi

hai zer-e-sang yahāñ soch kā ugaav abhī

lahū lahū hai na.ī koñpaloñ kā chaav abhī

vahī huā vahī ḳheme kā paara paara badan

vahī safar hai vahī jism kā kaTāv abhī

har ek saañs hai kis dukh kī riit kā mashrūb

hai kis sarāb meñ har lahr kā bahāv abhī

ḳhalā ke nithre samundar meñ de rihā.ī mujhe

hai daldaloñ meñ mirī raushnī kī naav abhī

maiñ apne dard kī haryāliyoñ kā ma.adan huuñ

tah-e-zamīñ hai mire peḌ kā alaav abhī

nazar nazar hai yahāñ shab-parast ai mire dil

kiran kiran hai yahāñ kankaroñ ke bhaao abhī

laboñ pe gūñgī sadāoñ kā sar-burīda shor

suroñ pe bahrī chaTānoñ kā hai jhukāv abhī

bisar ga.iiñ vo ruteñ kho ga.e vo saada log

hare haiñ ujḌī huī sangatoñ ke ghaav abhī

hai zer-e-sang yahan soch ka ugaw abhi

lahu lahu hai nai konpalon ka chaw abhi

wahi hua wahi KHeme ka para para badan

wahi safar hai wahi jism ka kaTaw abhi

har ek sans hai kis dukh ki rit ka mashrub

hai kis sarab mein har lahr ka bahaw abhi

KHala ke nithre samundar mein de rihai mujhe

hai daldalon mein meri raushni ki naw abhi

main apne dard ki haryaliyon ka madan hun

tah-e-zamin hai mere peD ka alaw abhi

nazar nazar hai yahan shab-parast ai mere dil

kiran kiran hai yahan kankaron ke bhao abhi

labon pe gungi sadaon ka sar-burida shor

suron pe bahri chaTanon ka hai jhukaw abhi

bisar gain wo ruten kho gae wo sada log

hare hain ujDi hui sangaton ke ghaw abhi