aage nikal gaya hai dil KHud-kushi ke Dar se

aage nikal gayā hai dil ḳhud-kushī ke Dar se

marnā bhī rā.egāñ hai par zindagī ke Dar se

ik aisī koTharī meñ ham ko rakhā gayā thā

din raat chīḳhte the bas ḳhāmushī ke Dar se

vo bebasī kā 'ālam pūchho usī se jānāñ

paanī meñ Dūbtā hai jo tishnagī ke Dar se

us ne nahīñ kahā hai rukne ko is liye ham

kapḌe chhupā rahe haiñ ab vāpsī ke Dar se

ik dūsre ke andar aise chhupe hue haiñ

ham tīrgī ke Dar se vo raushnī ke Dar se

kyā kuchh nahīñ huā hai sab chup khaḌe haiñ yak-dam

kaaTe haiñ haath sab ne ik hathkaḌī ke Dar se

aage nikal gaya hai dil KHud-kushi ke Dar se

marna bhi raegan hai par zindagi ke Dar se

ek aisi koThari mein hum ko rakha gaya tha

din raat chiKHte the bas KHamushi ke Dar se

wo bebasi ka 'alam puchho usi se jaanan

pani mein Dubta hai jo tishnagi ke Dar se

us ne nahin kaha hai rukne ko is liye hum

kapDe chhupa rahe hain ab wapsi ke Dar se

ek dusre ke andar aise chhupe hue hain

hum tirgi ke Dar se wo raushni ke Dar se

kya kuchh nahin hua hai sab chup khaDe hain yak-dam

kaTe hain hath sab ne ek hathkaDi ke Dar se