wo insan hai phir bhi fani nahin hai
vo insān hai phir bhī faanī nahīñ hai
ye ik vāqi'a hai kahānī nahīñ hai
jo de kar gayā hai shu'ūr-e-tafakkur
vo maujūd hai āñ-jahānī nahīñ hai
ḳhudā ke liye ab sunāo na mujh ko
vo ash'ār jin meñ ravānī nahīñ hai
na kuchh kaam ke haiñ vo ash'ār jin meñ
na.e daur kī tarjumānī nahīñ hai
mujh ahqar se bartar bhī shā'ir haiñ 'rāhī'
magar koī bhī merā saanī nahīñ hai
wo insan hai phir bhi fani nahin hai
ye ek waqi'a hai kahani nahin hai
jo de kar gaya hai shu'ur-e-tafakkur
wo maujud hai aan-jahani nahin hai
KHuda ke liye ab sunao na mujh ko
wo ash'ar jin mein rawani nahin hai
na kuchh kaam ke hain wo ash'ar jin mein
nae daur ki tarjumani nahin hai
mujh ahqar se bartar bhi sha'ir hain 'rahi'
magar koi bhi mera sani nahin hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
