nae KHayal nae saz ki zarurat hai
na.e ḳhayāl na.e saaz kī zarūrat hai
ġhazal meñ ab na.e andāz kī zarūrat hai
nirālī fikr ho tah-dārī-e-ma'ānī bhī
yahāñ bulandī-e-parvāz kī zarūrat hai
rafīq-e-dil jo bane sach kī tarjumānī kare
mu'āshre ko us āvāz kī zarūrat hai
hue the jis se harīfoñ ke hausle paspā
usī pahal usī āġhāz kī zarūrat hai
kiyā thā qalb meñ jis vasf ne asar paidā
suḳhan meñ phir usī 'e'jāz' kī zarūrat hai
nae KHayal nae saz ki zarurat hai
ghazal mein ab nae andaz ki zarurat hai
nirali fikr ho tah-dari-e-ma'ani bhi
yahan bulandi-e-parwaz ki zarurat hai
rafiq-e-dil jo bane sach ki tarjumani kare
mu'ashre ko us aawaz ki zarurat hai
hue the jis se harifon ke hausle paspa
usi pahal usi aaghaz ki zarurat hai
kiya tha qalb mein jis wasf ne asar paida
suKHan mein phir usi 'e'jaz' ki zarurat hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
