mat mere samne matruk riwayat lao

mat mire sāmne matrūk rivāyat laao

kuchh na.ī baat karo she'r meñ jiddat laao

na.e manzar hī javāñ rakhte haiñ bīnā.ī ko

zinda rahnā hai to dil meñ koī hasrat laao

baa'd meñ aanā tum is dasht meñ vahshat ke liye

qais se pahle zarā jā ke ijāzat laao

ḳhūn-e-dil ḳhūn-e-jigar māñgte haiñ she'r miyāñ

shiddat-e-‘ishq yā phir shiddat-e-nafrat laao

aise kaise tumheñ dīvāna kahegī duniyā

apnī āñkhoñ meñ zarā thoḌī sī vahshat laao

kab talak siine meñ jazbāt chhupāogī tum

us se iz.hār karo pyaar kā himmat laao

mat mere samne matruk riwayat lao

kuchh nai baat karo she'r mein jiddat lao

nae manzar hi jawan rakhte hain binai ko

zinda rahna hai to dil mein koi hasrat lao

ba'd mein aana tum is dasht mein wahshat ke liye

qais se pahle zara ja ke ijazat lao

KHun-e-dil KHun-e-jigar mangte hain she'r miyan

shiddat-e-‘ishq ya phir shiddat-e-nafrat lao

aise kaise tumhein diwana kahegi duniya

apni aankhon mein zara thoDi si wahshat lao

kab talak sine mein jazbaat chhupaogi tum

us se izhaar karo pyar ka himmat lao