kisi din chup ki diwaron pe hum taswir chhoDenge

kisī din chup kī dīvāroñ pe ham tasvīr chhoḌeñge

jahāñ āvāz dab jaa.e vahāñ tahrīr chhoḌeñge

na aahoñ meñ na āñkhoñ meñ na sāyoñ meñ nazar aa.eñ

ham apnā dil bhī logoñ kī ḳhushī meñ chiir chhoḌeñge

tumheñ samjhā nahīñ sakte ki ḳhud ko bhī nahīñ samjhe

isī be-rabt jumle meñ koī tāsīr chhoḌeñge

yahāñ har baat meñ shāmil hai kuchh inkār kā pahlū

ham apnī haañ se hī jazbāt kī tā'mīr chhoḌeñge

na ham vā'iz na ham suufī na ham shā'ir na 'āshiq haiñ

jahāñ dil TuuT jā.egā vahīñ tā'bīr chhoḌeñge

tumhāre baa'd jiine kā koī mansūba kyā rakhnā

bas ik din saañs ruk jaa.e to ye taqdīr chhoḌeñge

jo dil meñ baat hai 'sāġhar' agar ash'ār meñ aa.e

to kuchh misroñ meñ apnī jaan kī tanvīr chhoḌeñge

kisi din chup ki diwaron pe hum taswir chhoDenge

jahan aawaz dab jae wahan tahrir chhoDenge

na aahon mein na aankhon mein na sayon mein nazar aaen

hum apna dil bhi logon ki KHushi mein chir chhoDenge

tumhein samjha nahin sakte ki KHud ko bhi nahin samjhe

isi be-rabt jumle mein koi tasir chhoDenge

yahan har baat mein shamil hai kuchh inkar ka pahlu

hum apni han se hi jazbaat ki ta'mir chhoDenge

na hum wa'iz na hum sufi na hum sha'ir na 'ashiq hain

jahan dil TuT jaega wahin ta'bir chhoDenge

tumhaare ba'd jine ka koi mansuba kya rakhna

bas ek din sans ruk jae to ye taqdir chhoDenge

jo dil mein baat hai 'saghar' agar ash'ar mein aae

to kuchh misron mein apni jaan ki tanwir chhoDenge