kaise kaise mohabbat ke mare hue bahr-e-izhaar aae lajae gae

kaise kaise mohabbat ke maare hue bahr-e-iz.hār aa.e lajā.e ga.e

vo to ham the ki jo tum se jhijke nahīñ mudda'ā keh diyā muskurā.e ga.e

bevafā be-muravvat bad-andesh ho tund-ḳhū sang-dil ho daġhā-bāz ho

achchhe ḳhāse hunar tum meñ maujūd the ek ik kar ke saare ginā.e ga.e

gard uḌtī rahī naqsh miTte rahe dhīre dhīre tum āñkhoñ se ojhal hue

vaqt-e-ruḳhsat hamārā 'ajab haal thā der tak haath apne hilā.e ga.e

tum ne dekhī nahīñ āñsuoñ kī laḌī hichkiyāñ siskiyāñ aah naale fuġhāñ

dekhte to kuchh ehsās hotā tumheñ hijr meñ kitne e'zāz paa.e ga.e

baat be-bāt duniyā ne pange liye bār-hā maat dene kī sāzish rachī

surḳh-rūī hamārā muqaddar banī bā-vajūd is ke ham āzmā.e ga.e

dard baḌhtā rahā Tiis uThtī rahī zaḳhm rote rahe she'r hote rahe

dil-dahī ke 'evaz vāh-vāhī milī dhīre dhīre sab apne parā.e ga.e

bazm-e-jānāñ meñ har koī ġhamgīn thā kārgar koī tarkīb hotī na thī

sab ke chehroñ pe aa.ī na jab tak hañsī ham 'sahar' kī ġhazal gungunā.e ga.e

kaise kaise mohabbat ke mare hue bahr-e-izhaar aae lajae gae

wo to hum the ki jo tum se jhijke nahin mudda'a keh diya muskurae gae

bewafa be-murawwat bad-andesh ho tund-KHu sang-dil ho dagha-baz ho

achchhe KHase hunar tum mein maujud the ek ek kar ke sare ginae gae

gard uDti rahi naqsh miTte rahe dhire dhire tum aankhon se ojhal hue

waqt-e-ruKHsat hamara 'ajab haal tha der tak hath apne hilae gae

tum ne dekhi nahin aansuon ki laDi hichkiyan siskiyan aah nale fughan

dekhte to kuchh ehsas hota tumhein hijr mein kitne e'zaz pae gae

baat be-baat duniya ne pange liye bar-ha mat dene ki sazish rachi

surKH-rui hamara muqaddar bani ba-wajud is ke hum aazmae gae

dard baDhta raha Tis uThti rahi zaKHm rote rahe she'r hote rahe

dil-dahi ke 'ewaz wah-wahi mili dhire dhire sab apne parae gae

bazm-e-jaanan mein har koi ghamgin tha kargar koi tarkib hoti na thi

sab ke chehron pe aai na jab tak hansi hum 'sahar' ki ghazal gungunae gae