hamare zehn mein aai thi kal chhanak ghazal

hamāre zehn meñ aa.ī thī kal chhanāk ġhazal

jumūd thā jo vahāñ kar ga.ī halāk ġhazal

ye nukta samjheñ ki āġhāz meñ hai ḳhaak ġhazal

vujūd baḳhshe ḳhayāloñ ko tab hai chaak ġhazal

kabhī hai krishn kī bhaktī kabhī hai nā't-e-nabī

kabhī 'alī kī sanā se huī hai paak ġhazal

amiir ḳhusrau hoñ sā'dī hoñ yā ki hāfiz hoñ

hai un kā faiz biThā.e diloñ pe dhaak ġhazal

ye 'āshiqoñ ke sunātī hai shoḳh afsāne

hai un ke lamha-e-nāzuk meñ tāñk-jhāñk ġhazal

qubūl kar liyā suthre suḳhan-shanāsoñ ne

hai jism shā'irī aur shā'irī kī naak ġhazal

batā.ī tujh ko hasīnoñ ne apne 'ishq kī baat

batā hameñ bhī batā kyuuñ hai tujh ko baak ġhazal

pukārte haiñ mujhe dost keh ke computer

mujhe ḳhayāl bas aayā huī saTāk ġhazal

hamare zehn mein aai thi kal chhanak ghazal

jumud tha jo wahan kar gai halak ghazal

ye nukta samjhen ki aaghaz mein hai KHak ghazal

wujud baKHshe KHayalon ko tab hai chaak ghazal

kabhi hai krishn ki bhakti kabhi hai na't-e-nabi

kabhi 'ali ki sana se hui hai pak ghazal

amir KHusrau hon sa'di hon ya ki hafiz hon

hai un ka faiz biThae dilon pe dhak ghazal

ye 'ashiqon ke sunati hai shoKH afsane

hai un ke lamha-e-nazuk mein tank-jhank ghazal

qubul kar liya suthre suKHan-shanason ne

hai jism sha'iri aur sha'iri ki nak ghazal

batai tujh ko hasinon ne apne 'ishq ki baat

bata hamein bhi bata kyun hai tujh ko bak ghazal

pukarte hain mujhe dost keh ke computer

mujhe KHayal bas aaya hui saTak ghazal