is taraf se guzre the qafile bahaaron ke
is taraf se guzre the qāfile bahāroñ ke
aaj tak sulagte haiñ zaḳhm rahguzāroñ ke
ḳhalvatoñ ke shaidā.ī ḳhalvatoñ meñ khulte haiñ
ham se pūchh kar dekho raaz parda-dāroñ ke
gesuoñ kī chhāñv meñ dil-navāz chehre haiñ
yā hasīñ dhuñdlakoñ meñ phuul haiñ bahāroñ ke
pahle hañs ke milte haiñ phir nazar churāte haiñ
āshnā-sifat haiñ log ajnabī dayāroñ ke
tum ne sirf chāhā hai ham ne chhū ke dekhe haiñ
pairahan ghaTāoñ ke jism barq-pāroñ ke
shuġhl-e-mai-parastī go jashn-e-nā-murādī thā
yuuñ bhī kaT ga.e kuchh din tere sogvāroñ ke
is taraf se guzre the qafile bahaaron ke
aaj tak sulagte hain zaKHm rahguzaron ke
KHalwaton ke shaidai KHalwaton mein khulte hain
hum se puchh kar dekho raaz parda-daron ke
gesuon ki chhanw mein dil-nawaz chehre hain
ya hasin dhundlakon mein phul hain bahaaron ke
pahle hans ke milte hain phir nazar churaate hain
aashna-sifat hain log ajnabi dayaron ke
tum ne sirf chaha hai hum ne chhu ke dekhe hain
pairahan ghaTaon ke jism barq-paron ke
shughl-e-mai-parasti go jashn-e-na-muradi tha
yun bhi kaT gae kuchh din tere sogwaron ke
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
