tere pas aane ko ji chahta hai

tire paas aane ko jī chāhtā hai

kahīñ ab na jaane ko jī chāhtā hai

gila tum karo aur jī bhar ke rūTho

tumheñ phir manāne ko jī chāhtā hai

mire paas baiTho mirā haal pūchho

tumheñ sab batāne ko jī chāhtā hai

jahāñ aa ke baiThe vo pahlū-ba-pahlū

vahāñ se na jaane ko jī chāhtā hai

dar-e-mai-kadā ab jahāñ bhī maiñ dekhūñ

vahīñ laḌkhaḌāne ko jī chāhtā hai

so jis jis ne kī ham se vā'da-ḳhilāfī

unheñ ab bhulāne ko jī chāhtā hai

tere pas aane ko ji chahta hai

kahin ab na jaane ko ji chahta hai

gila tum karo aur ji bhar ke ruTho

tumhein phir manane ko ji chahta hai

mere pas baiTho mera haal puchho

tumhein sab batane ko ji chahta hai

jahan aa ke baiThe wo pahlu-ba-pahlu

wahan se na jaane ko ji chahta hai

dar-e-mai-kada ab jahan bhi main dekhun

wahin laDkhaDane ko ji chahta hai

so jis jis ne ki hum se wa'da-KHilafi

unhen ab bhulane ko ji chahta hai