tera ho kar jo chal raha hoga
terā ho kar jo chal rahā hogā
kitnā ḳhud ko badal rahā hogā
shaam se mom kī hai qurbat meñ
ab to patthar pighal rahā hogā
maiñ bhī ye soch kar chalā ghar se
vo bhī ghar se nikal rahā hogā
us ke ḳhvāboñ se maiñ nikal aayā
ab vo āñkhoñ ko mal rahā hogā
mere talvoñ meñ ye jalan kaisī
koī sahrā meñ chal rahā hogā
aa.ina be-sabab nahīñ hairāñ
koī chehra badal rahā hogā
us ke halqe se maiñ nikal aayā
ab vo hāthoñ ko mal rahā hogā
tera ho kar jo chal raha hoga
kitna KHud ko badal raha hoga
sham se mom ki hai qurbat mein
ab to patthar pighal raha hoga
main bhi ye soch kar chala ghar se
wo bhi ghar se nikal raha hoga
us ke KHwabon se main nikal aaya
ab wo aankhon ko mal raha hoga
mere talwon mein ye jalan kaisi
koi sahra mein chal raha hoga
aaina be-sabab nahin hairan
koi chehra badal raha hoga
us ke halqe se main nikal aaya
ab wo hathon ko mal raha hoga
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
