rakhte hain nazar hum pe haTate hi nahin hain

rakhte haiñ nazar ham pe haTāte hī nahīñ haiñ

chāhat hai jo dil meñ vo sunāte hī nahīñ haiñ

kahte haiñ mohabbat se jise log masīhā

vo log nazar ab kahīñ aate hī nahīñ haiñ

lā.eñge din achchhe ye batāte haiñ sabhī ko

karte haiñ faqat vā'da nibhāte hī nahīñ haiñ

zinda haiñ isī aas meñ ā.eñge vo ik din

par vo yahāñ ab to kabhī aate hī nahīñ haiñ

kahte haiñ karo phir se shurū'āt-e-mohabbat

ham haiñ jo kabhī us ko bhulāte hī nahīñ haiñ

ye sach hai 'razā' ham bhī zabāñ rakhte haiñ lekin

haiñ raaz jo ġhairoñ ko batāte hī nahīñ haiñ

rakhte hain nazar hum pe haTate hi nahin hain

chahat hai jo dil mein wo sunate hi nahin hain

kahte hain mohabbat se jise log masiha

wo log nazar ab kahin aate hi nahin hain

laenge din achchhe ye batate hain sabhi ko

karte hain faqat wa'da nibhate hi nahin hain

zinda hain isi aas mein aaenge wo ek din

par wo yahan ab to kabhi aate hi nahin hain

kahte hain karo phir se shuru'at-e-mohabbat

hum hain jo kabhi us ko bhulate hi nahin hain

ye sach hai 'raza' hum bhi zaban rakhte hain lekin

hain raaz jo ghairon ko batate hi nahin hain