lutf ka kaun sa imkan tha jo paida na hua

lutf kā kaun sā imkāñ thā jo paidā na huā

be-qarārī kā magar koī mudāvā na huā

shām-e-furqat kā vo sahrā thā ki saaya bhī na thā

ham tire shauq meñ jab nikle to kyā kyā na huā

maiñ hamesha ke liye tujh se judā ho jā.ūñ

laakh dil ne bhī ye chāhā magar aisā na huā

kaun sī shaam tirī yaad kī aahaT na huī

kaun sī sub.h tire ruḳh kā ujālā na huā

zehn ne shauq meñ asnām tarāshe haiñ ka.ī

kab mire pesh-e-nazar terā sarāpā na huā

zindagī tere tasavvur se ham-āġhosh rahī

terā bīmār burā kyā hai gar achchhā na huā

lutf ka kaun sa imkan tha jo paida na hua

be-qarari ka magar koi mudawa na hua

sham-e-furqat ka wo sahra tha ki saya bhi na tha

hum tere shauq mein jab nikle to kya kya na hua

main hamesha ke liye tujh se juda ho jaun

lakh dil ne bhi ye chaha magar aisa na hua

kaun si sham teri yaad ki aahaT na hui

kaun si subh tere ruKH ka ujala na hua

zehn ne shauq mein asnam tarashe hain kai

kab mere pesh-e-nazar tera sarapa na hua

zindagi tere tasawwur se ham-aghosh rahi

tera bimar bura kya hai gar achchha na hua