kai baras ka abhi intizar rahta hai

ka.ī baras kā abhī intizār rahtā hai

so dekhte haiñ ki kab tak ye pyaar rahtā hai

vo ek jumla jo us ne kabhī kahā hī nahīñ

hamāre zehn pe aksar savār rahtā hai

hañsā jo aa.ina ham par to toḌ kar pūchhā

samajh ga.e koī kyuuñ sog-vār rahtā hai

na.ī rafāqatoñ kā bojh ḳhud pe mat laado

abhī to aap pe pichhlā udhār rahtā hai

tirī kamī tirā aanā bhī kam na kar paayā

hameñ to ab bhī tirā intizār rahtā hai

bichhaḌ ke vo bhī akelā hī hai hamārī tarah

is ek baat se dil be-qarār rahtā hai

kai baras ka abhi intizar rahta hai

so dekhte hain ki kab tak ye pyar rahta hai

wo ek jumla jo us ne kabhi kaha hi nahin

hamare zehn pe aksar sawar rahta hai

hansa jo aaina hum par to toD kar puchha

samajh gae koi kyun sog-war rahta hai

nai rafaqaton ka bojh KHud pe mat lado

abhi to aap pe pichhla udhaar rahta hai

teri kami tera aana bhi kam na kar paya

hamein to ab bhi tera intizar rahta hai

bichhaD ke wo bhi akela hi hai hamari tarah

is ek baat se dil be-qarar rahta hai