ek umr teri aag mein jalne ke baad bhi
ik 'umr terī aag meñ jalne ke baa'd bhī
patthar hī lag rahā huuñ pighalne ke baa'd bhī
dil tāq-e-intizār meñ rakkhā huā charāġh
raushan hai āftāb nikalne ke baa'd bhī
mujh ko girā na de mire andar kī toḌ-phoḌ
dhaḌkā lagā huā hai sañbhalne ke baa'd bhī
būḌhī thī ruuh ḳhud ko tavānā nahīñ lagā
apnā tamām jism badalne ke baa'd bhī
ek 'umr teri aag mein jalne ke ba'd bhi
patthar hi lag raha hun pighalne ke ba'd bhi
dil taq-e-intizar mein rakkha hua charagh
raushan hai aaftab nikalne ke ba'd bhi
mujh ko gira na de mere andar ki toD-phoD
dhaDka laga hua hai sanbhalne ke ba'd bhi
buDhi thi ruh KHud ko tawana nahin laga
apna tamam jism badalne ke ba'd bhi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
