har subh uTh rahi hun qayamat guzar ke
har sub.h uTh rahī huuñ qayāmat guzār ke
din hashr ho ga.e haiñ tire intizār ke
hotī hai sab ko jiit kī ḳhvāhish matā'-e-jāñ
ham ko magar burā na lagā tujh se haar ke
saarī rifāqateñ mirī saarī mohabbateñ
ik shaḳhs jā rahā hai mire muñh pe maar ke
kyuuñ jā rahe ho phir se usī bevafā ke paas
kyā hosh uḌ ga.e haiñ dil-e-hoshiyār ke
kamre kī ūñghtī huī khiḌkī pe aaj dhuup
jaise ki aa rahī ho tirā ruup dhaar ke
har subh uTh rahi hun qayamat guzar ke
din hashr ho gae hain tere intizar ke
hoti hai sab ko jit ki KHwahish mata'-e-jaan
hum ko magar bura na laga tujh se haar ke
sari rifaqaten meri sari mohabbaten
ek shaKHs ja raha hai mere munh pe mar ke
kyun ja rahe ho phir se usi bewafa ke pas
kya hosh uD gae hain dil-e-hoshiyar ke
kamre ki unghti hui khiDki pe aaj dhup
jaise ki aa rahi ho tera rup dhaar ke
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
