dil hai kyun be-qarar kya jaano

dil hai kyuuñ be-qarār kyā jaano

lazzat-e-intizār kyā jaano

dard se āshnā nahīñ ho tum

kis ko kahte haiñ pyaar kyā jaano

tum may-e-‘ishq se ho begāne

tum nazar kā ḳhumār kyā jaano

tum to phūloñ meñ khelte ho dost

lazzat-e-nok-e-ḳhār kyā jaano

hasrat-e-nā-murād kā 'ālam

tum abhī mere yaar kyā jaano

tum ko nashtar chubhonā aatā hai

hālat-e-dil-figār kyā jaano

tum ko bas apnī fikr rahtī hai

'nūr' kā hāl-e-zār kyā jaano

dil hai kyun be-qarar kya jaano

lazzat-e-intizar kya jaano

dard se aashna nahin ho tum

kis ko kahte hain pyar kya jaano

tum may-e-‘ishq se ho begane

tum nazar ka KHumar kya jaano

tum to phulon mein khelte ho dost

lazzat-e-nok-e-KHar kya jaano

hasrat-e-na-murad ka 'alam

tum abhi mere yar kya jaano

tum ko nashtar chubhona aata hai

haalat-e-dil-figar kya jaano

tum ko bas apni fikr rahti hai

'nur' ka haal-e-zar kya jaano