aasman aashiyan na ho jae
āsmāñ āshiyāñ na ho jaa.e
lā-makānī makāñ na ho jaa.e
'ishq ke us maqām par huuñ jahāñ
imtihāñ imtihāñ na ho jaa.e
rū-ba-rū haiñ vo aaj mahfil meñ
dāstāñ dāstāñ na ho jaa.e
Dar hai merī sadā kahīñ ek din
merī āh-o-fuġhāñ na ho jaa.e
itnā ḳhāmosh huuñ ki lagtā hai
be-zabānī zabāñ na ho jaa.e
baa'd muddat ke aa rahe haiñ vo
aarzū phir javāñ na ho jaa.e
bas nahīñ kahtā rahtā huuñ 'zīshān'
jab talak us kī haañ na ho jaa.e
aasman aashiyan na ho jae
la-makani makan na ho jae
'ishq ke us maqam par hun jahan
imtihan imtihan na ho jae
ru-ba-ru hain wo aaj mahfil mein
dastan dastan na ho jae
Dar hai meri sada kahin ek din
meri aah-o-fughan na ho jae
itna KHamosh hun ki lagta hai
be-zabani zaban na ho jae
ba'd muddat ke aa rahe hain wo
aarzu phir jawan na ho jae
bas nahin kahta rahta hun 'zishan'
jab talak us ki han na ho jae
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
