aalam kuchh aur hai dil-e-be-iKHtiyar ka
'ālam kuchh aur hai dil-e-be-iḳhtiyār kā
dekheñ kahāñ guzartā hai mausam bahār kā
jis ne fareb khāyā na ho e'tibār kā
samjhegā lutf kyā vo ġham-e-intizār kā
maiñ apne āshiyāñ meñ lagā dūñgā ḳhud hī aag
uTThā agar savāl chaman ke vaqār kā
kaafī hai terī yaad rafāqat ke vāste
ehsān kyuuñ uThā.eñ kisī ġham-gusār kā
jo kahkashāñ ke naam se raushan hai charḳh par
kyā kahiye rāsta hai vo kis ke dayār kā
jis ko hai ye ḳhabar ki hai ġham juzv-e-zindagī
kyuuñ shikva-sanj ho vo ġham-e-rozgār kā
samjhā kiyā zamāna jise apnī dāstāñ
afsāna thā 'zafar' vo dil-e-sogvār kā
'alam kuchh aur hai dil-e-be-iKHtiyar ka
dekhen kahan guzarta hai mausam bahaar ka
jis ne fareb khaya na ho e'tibar ka
samjhega lutf kya wo gham-e-intizar ka
main apne aashiyan mein laga dunga KHud hi aag
uTTha agar sawal chaman ke waqar ka
kafi hai teri yaad rafaqat ke waste
ehsan kyun uThaen kisi gham-gusar ka
jo kahkashan ke nam se raushan hai charKH par
kya kahiye rasta hai wo kis ke dayar ka
jis ko hai ye KHabar ki hai gham juzw-e-zindagi
kyun shikwa-sanj ho wo gham-e-rozgar ka
samjha kiya zamana jise apni dastan
afsana tha 'zafar' wo dil-e-sogwar ka
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
