rahzan aadmi rahnuma aadmi

rāhzan aadmī rahnumā aadmī

bār-hā ban chukā hai ḳhudā aadmī

haa.e taḳhlīq kī kār-pardāziyāñ

ḳhaak sī chiiz ko kah diyā aadmī

khul ga.e jannatoñ ke vahāñ zā.iche

do qadam jhuum kar jab chalā aadmī

zindagī ḳhānqāh-e-shahūd-o-baqā

aur lauh-e-mazār-e-fanā aadmī

sub.h-dam chāñd kī ruḳhsatī kā samāñ

jis tarah bahr meñ Dūbtā aadmī

kuchh farishtoñ kī taqdīs ke vāste

sah gayā aadmī kī jafā aadmī

gūñjtī hī rahegī falak-dar-falak

hai mashiyyat kī aisī sadā aadmī

aas kī mūrateñ pūjte pūjte

ek tasvīr sī ban gayā aadmī

rahzan aadmi rahnuma aadmi

bar-ha ban chuka hai KHuda aadmi

hae taKHliq ki kar-pardaziyan

KHak si chiz ko kah diya aadmi

khul gae jannaton ke wahan zaiche

do qadam jhum kar jab chala aadmi

zindagi KHanqah-e-shahud-o-baqa

aur lauh-e-mazar-e-fana aadmi

subh-dam chand ki ruKHsati ka saman

jis tarah bahr mein Dubta aadmi

kuchh farishton ki taqdis ke waste

sah gaya aadmi ki jafa aadmi

gunjti hi rahegi falak-dar-falak

hai mashiyyat ki aisi sada aadmi

aas ki muraten pujte pujte

ek taswir si ban gaya aadmi