jo KHwab na sharminda-e-tabir hua tha

jo ḳhvāb na sharminda-e-tā'bīr huā thā

qismat meñ vo insān kī tahrīr huā thā

kal maiñ jo giraftār-e-asātīr huā thā

tasvīr koī dekh ke tasvīr huā thā

sach hai ki hai dīvānī javānī jise kahiye

majnūñ bhī isī 'umr meñ zanjīr huā thā

jis daur meñ mab’ūs huā ādam-e-sālis

mirrīḳh usī daur meñ tasḳhīr huā thā

betāb na ho ġhaflat-e-ahbāb pe ai dil

ik din meñ to lahore na tā'mīr huā thā

lo aaj mire dar-pa.e-āzār hai 'anjum'

kal mujh se yahī shaḳhs baġhal-gīr huā thā

jo KHwab na sharminda-e-ta'bir hua tha

qismat mein wo insan ki tahrir hua tha

kal main jo giraftar-e-asatir hua tha

taswir koi dekh ke taswir hua tha

sach hai ki hai diwani jawani jise kahiye

majnun bhi isi 'umr mein zanjir hua tha

jis daur mein mab’us hua aadam-e-salis

mirriKH usi daur mein tasKHir hua tha

betab na ho ghaflat-e-ahbab pe ai dil

ek din mein to lahore na ta'mir hua tha

lo aaj mere dar-pae-azar hai 'anjum'

kal mujh se yahi shaKHs baghal-gir hua tha