bazm-e-imkan mein rahun kaun-o-makan tak dekhun

bazm-e-imkāñ meñ rahūñ kaun-o-makāñ tak dekhūñ

ek aatā hai nazar chehra jahāñ tak dekhūñ

ho ga.iiñ 'azmat-e-insān kī rāheñ tārīk

ek insān kī maiñ raah kahāñ tak dekhūñ

hasrat-e-dīd-e-sanam hāsil-e-'irfān-e-sanam

dekhnā chāhūñ to ik ujḌe makāñ tak dekhūñ

mere afsāne se hai terā fasāna qaa.em

chāh-e-zindāñ se tire husn-e-bayāñ tak dekhūñ

muskurāhaT tire hoñToñ pe mire qatl ke baa'd

husn-e-mā'sūm tujhe hadd-e-gumāñ tak dekhūñ

chashm-e-āhū meñ nihāñ mauj-e-talātum pā.ūñ

halqa-e-zulf-e-siyah koh-e-girāñ tak dekhūñ

dekh luuñ husn-e-azal taab kahāñ hai 'vāsif'

husn-e-insāñ se nimaT luuñ to vahāñ tak dekhūñ

bazm-e-imkan mein rahun kaun-o-makan tak dekhun

ek aata hai nazar chehra jahan tak dekhun

ho gain 'azmat-e-insan ki rahen tarik

ek insan ki main rah kahan tak dekhun

hasrat-e-did-e-sanam hasil-e-'irfan-e-sanam

dekhna chahun to ek ujDe makan tak dekhun

mere afsane se hai tera fasana qaem

chah-e-zindan se tere husn-e-bayan tak dekhun

muskurahaT tere honTon pe mere qatl ke ba'd

husn-e-ma'sum tujhe hadd-e-guman tak dekhun

chashm-e-ahu mein nihan mauj-e-talatum paun

halqa-e-zulf-e-siyah koh-e-giran tak dekhun

dekh lun husn-e-azal tab kahan hai 'wasif'

husn-e-insan se nimaT lun to wahan tak dekhun