watan mein hum ko gharib-ud-dayar kahte hain

vatan meñ ham ko ġharīb-ud-dayār kahte haiñ

isī ko hādsa-e-rozgār kahte haiñ

tijoriyoñ ko hukūmat shikār kahte haiñ

ye baat ham nahīñ sarmāya-dār kahte haiñ

kisī ke husn-e-samā'at pe choT karne ko

fasāna-e-ġham-e-dil baar baar kahte haiñ

jo dushmanoñ ke ishāroñ pe raqs karte haiñ

unhīñ ko asl meñ zī-iḳhtiyār kahte haiñ

jahāñ ḳhizāñ kī hadoñ kā gumān hotā hai

pahuñch ga.ī hai vahāñ tak bahār kahte haiñ

nahīñ kuchh apnī taraf se ye inqalāb kā zikr

vo keh rahe haiñ jo lail-o-nahār kahte haiñ

vo inqalāb kā rasta na dekhte hoñ kahīñ

jo dāstān-e-shab-e-intizār kahte haiñ

janāb-e-shaiḳh siyāsat ke pher meñ paḌ kar

butān-e-dair ko parvardigār kahte haiñ

'ajab nahīñ jo zar-e-naqd bhī gañvā deñ 'shād'

ye lakh-pati ki jinheñ sūd-ḳhvār kahte haiñ

watan mein hum ko gharib-ud-dayar kahte hain

isi ko hadsa-e-rozgar kahte hain

tijoriyon ko hukumat shikar kahte hain

ye baat hum nahin sarmaya-dar kahte hain

kisi ke husn-e-sama'at pe choT karne ko

fasana-e-gham-e-dil bar bar kahte hain

jo dushmanon ke ishaaron pe raqs karte hain

unhin ko asl mein zi-iKHtiyar kahte hain

jahan KHizan ki hadon ka guman hota hai

pahunch gai hai wahan tak bahaar kahte hain

nahin kuchh apni taraf se ye inqalab ka zikr

wo keh rahe hain jo lail-o-nahaar kahte hain

wo inqalab ka rasta na dekhte hon kahin

jo dastan-e-shab-e-intizar kahte hain

janab-e-shaiKH siyasat ke pher mein paD kar

butan-e-dair ko parwardigar kahte hain

'ajab nahin jo zar-e-naqd bhi ganwa den 'shad'

ye lakh-pati ki jinhen sud-KHwar kahte hain