sharar-e-sang ko jo shola-e-sahar dega

sharār-e-sang ko jo sho'la-e-sahar degā

ḳhizān-e-dasht ko vo muzhda-e-samar degā

jo ḳhaar chuntā rahā hai tamām 'umr yahāñ

vahī to dasht ko ik roz mo'tabar degā

umīd-e-sub.h kī hasrat meñ jal bujhe jo charāġh

unhī kā ḳhuun ruḳh-e-shām-e-ġham sahar degā

gañvā diye haiñ jo raste meñ ham ne ḳhvāb apne

safar kā shauq hameñ un kā bhī samar degā

jo ā.inoñ kī tarah 'aks hī churātā rahā

vo mere ḳhvāb ke chehre ko kyā guhar degā

tarāshtā hai havāoñ meñ raushnī ke jo harf

vahī to harf-e-tamannā ko bāl-o-par degā

ye qaht-e-'azm-e-safar dekh kar gumāñ huā hai

musāfiroñ kā yahī Dar hī un ko ghar degā

vo be-ḳhabar hai ki tūfāñ kā ruḳh badalnā hai

mirā safīnā mujhe vus'at-e-nazar degā

palaT ke ā.eñge phir se 'asad' purāne din

mirā yaqīn mujhe dasht meñ shajar degā

sharar-e-sang ko jo sho'la-e-sahar dega

KHizan-e-dasht ko wo muzhda-e-samar dega

jo KHar chunta raha hai tamam 'umr yahan

wahi to dasht ko ek roz mo'tabar dega

umid-e-subh ki hasrat mein jal bujhe jo charagh

unhi ka KHun ruKH-e-sham-e-gham sahar dega

ganwa diye hain jo raste mein hum ne KHwab apne

safar ka shauq hamein un ka bhi samar dega

jo aainon ki tarah 'aks hi churaata raha

wo mere KHwab ke chehre ko kya guhar dega

tarashta hai hawaon mein raushni ke jo harf

wahi to harf-e-tamanna ko baal-o-par dega

ye qaht-e-'azm-e-safar dekh kar guman hua hai

musafiron ka yahi Dar hi un ko ghar dega

wo be-KHabar hai ki tufan ka ruKH badalna hai

mera safina mujhe wus'at-e-nazar dega

palaT ke aaenge phir se 'asad' purane din

mera yaqin mujhe dasht mein shajar dega