hawa ka rasta dushwar kar diya jae

havā kā rāsta dushvār kar diyā jaa.e

diyoñ ko yā to ḳhabar-dār kar diyā jaa.e

zamīñ nahīñ to falak-dār kar diyā jaa.e

hameñ kahīñ kā to haqdār kar diyā jaa.e

bachī hai ek hī sūrat shajar bachāne kī

har ek shāḳh ko talvār kar diyā jaa.e

saroñ pe aa ga.e ab sar utārne vaale

amīr-e-shahr ko hushyār kar diyā jaa.e

tumhāre jaise masīhā kī dekh rekh meñ to

marīz chāhegā bīmār kar diyā jaa.e

hawa ka rasta dushwar kar diya jae

diyon ko ya to KHabar-dar kar diya jae

zamin nahin to falak-dar kar diya jae

hamein kahin ka to haqdar kar diya jae

bachi hai ek hi surat shajar bachane ki

har ek shaKH ko talwar kar diya jae

saron pe aa gae ab sar utarne wale

amir-e-shahr ko hushyar kar diya jae

tumhaare jaise masiha ki dekh rekh mein to

mariz chahega bimar kar diya jae