sab gunah-o-haram chalne do
sab gunāh-o-harām chalne do
keh rahe haiñ nizām chalne do
zid hai kyā vaqt ko badalne kī
yūñhī sab be-lagām chalne do
be-kasī bhuuk aur musībat kā
ḳhuub hai ehtimām chalne do
ahliyat kyā hai merī chhoḌ us ko
naam kaafī hai naam chalne do
muft martā nahīñ to rāhoñ meñ
tujh ko dete haiñ daam chalne do
tum ho zāhid to jaao sajde meñ
mai-kade meñ to jaam chalne do
tere ajdād ke the aaqā ham
ḳhud ko bhī zer-e-dām chalne do
haq ko chhoḌo kitāb ko chhoḌo
hukm-e-hākim se kaam chalne do
ham jo utre to phir añdherā hai
so yahī ġham kī shaam chalne do
shaah jā.egā shaah aa.egā
tum rahoge ġhulām chalne do
sab gunah-o-haram chalne do
keh rahe hain nizam chalne do
zid hai kya waqt ko badalne ki
yunhi sab be-lagam chalne do
be-kasi bhuk aur musibat ka
KHub hai ehtimam chalne do
ahliyat kya hai meri chhoD us ko
nam kafi hai nam chalne do
muft marta nahin to rahon mein
tujh ko dete hain dam chalne do
tum ho zahid to jao sajde mein
mai-kade mein to jam chalne do
tere ajdad ke the aaqa hum
KHud ko bhi zer-e-dam chalne do
haq ko chhoDo kitab ko chhoDo
hukm-e-hakim se kaam chalne do
hum jo utre to phir andhera hai
so yahi gham ki sham chalne do
shah jaega shah aaega
tum rahoge ghulam chalne do
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
