Thokar mili wafa pe har ek aan dosta

Thokar milī vafā pe har ik aan dostā

ham ne vafā ko jaanā thā īmān dostā

ham ne har ek rishta nibhāyā ḳhulūs se

miltā rahā javāb meñ nuqsān dostā

jaltī rahī zamīr kī qindīl har ghaḌī

lekin na chhoḌ paayā ye vijdān dostā

ik lams-e-mehrbān ne badlā mirā jahāñ

yuuñ khil gayā ho jaise gulistān dostā

har harf meñ jhalak hai tire husn kī sanam

har lafz meñ chhupī hai mirī jaan dostā

maiñ ab batā.ūñgā dil-e-nādān kī ḳhalish

taqdīr ne likhā hai ye 'unvān dostā

ham ko 'alī' ḳhudā ne 'atā kī hai ye navā

ash'ār se milī hai ye pahchān dostā

Thokar mili wafa pe har ek aan dosta

hum ne wafa ko jaana tha iman dosta

hum ne har ek rishta nibhaya KHulus se

milta raha jawab mein nuqsan dosta

jalti rahi zamir ki qindil har ghaDi

lekin na chhoD paya ye wijdan dosta

ek lams-e-mehrban ne badla mera jahan

yun khil gaya ho jaise gulistan dosta

har harf mein jhalak hai tere husn ki sanam

har lafz mein chhupi hai meri jaan dosta

main ab bataunga dil-e-nadan ki KHalish

taqdir ne likha hai ye 'unwan dosta

hum ko 'ali' KHuda ne 'ata ki hai ye nawa

ash'ar se mili hai ye pahchan dosta