ubhaar le gae jhonke teri ata ke hamein
ubhār le ga.e jhoñke tirī 'atā ke hameñ
ki ḳhaak aate the ādāb iltijā ke hameñ
bahut hamārī ḳhamoshī pe mo'tariz the magar
ḳhamosh ho ga.e ahbāb aazmā ke hameñ
ḳhudā kā naam pukāreñ uchhāl deñ kashtī
ki Tikne dete nahīñ taur nā-ḳhudā ke hameñ
hamārī yaad se raushan the jin ke shām-o-sahar
bahut sukūn se baiThe haiñ ab bhulā ke hameñ
ye kyā ki aur umaD aa.ī tīrgī kī ghaTā
ye kyā ki tum bhī na raushan hue bujhā ke hameñ
ubhaar le gae jhonke teri 'ata ke hamein
ki KHak aate the aadab iltija ke hamein
bahut hamari KHamoshi pe mo'tariz the magar
KHamosh ho gae ahbab aazma ke hamein
KHuda ka nam pukaren uchhaal den kashti
ki Tikne dete nahin taur na-KHuda ke hamein
hamari yaad se raushan the jin ke sham-o-sahar
bahut sukun se baiThe hain ab bhula ke hamein
ye kya ki aur umaD aai tirgi ki ghaTa
ye kya ki tum bhi na raushan hue bujha ke hamein
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
