KHudaya ab tere rahm-o-karam ka ilm kis ko hai

ḳhudāyā ab tire rahm-o-karam kā 'ilm kis ko hai

butoñ se aas hai lauh-o-qalam kā 'ilm kis ko hai

mohabbat khīñch laa.ī hai 'ibādat ke liye ham ko

ḳhabar pichhlī na thī agle qadam kā 'ilm kis ko hai

'adāvat ham kisī se bhī nahīñ karte haiñ duniyā meñ

kise mā'lūm hai kū-e-sanam kā 'ilm kis ko hai

koī aisā nahīñ tere sivā jo dil ko pahchāne

ḳhushī ko dekhte haiñ log ġham kā 'ilm kis ko hai

samajhte haiñ yahī sab bandishoñ meñ sirf lailā hai

bhaTakte qais pe hote sitam kā 'ilm kis ko hai

KHudaya ab tere rahm-o-karam ka 'ilm kis ko hai

buton se aas hai lauh-o-qalam ka 'ilm kis ko hai

mohabbat khinch lai hai 'ibaadat ke liye hum ko

KHabar pichhli na thi agle qadam ka 'ilm kis ko hai

'adawat hum kisi se bhi nahin karte hain duniya mein

kise ma'lum hai ku-e-sanam ka 'ilm kis ko hai

koi aisa nahin tere siwa jo dil ko pahchane

KHushi ko dekhte hain log gham ka 'ilm kis ko hai

samajhte hain yahi sab bandishon mein sirf laila hai

bhaTakte qais pe hote sitam ka 'ilm kis ko hai