ishq ya husn ka zuhur nahin
'ishq yā husn kā zuhūr nahīñ
dil kī jannat meñ koī huur nahīñ
maiñ ne sūraj kī bhī nahīñ maanī
jugnuoñ se kaho ġhurūr nahīñ
laakh nuqsān ho rahā ho magar
apne lahje meñ jī huzūr nahīñ
ye kitābeñ hī mai-kada haiñ mujhe
'ilm jaisā koī surūr nahīñ
sab irādoñ pe munhasir hai janāb
varna manzil to koī duur nahīñ
merī taqdīr meñ raqam 'kāshif'
sirf tārīkiyāñ haiñ nuur nahīñ
'ishq ya husn ka zuhur nahin
dil ki jannat mein koi hur nahin
main ne suraj ki bhi nahin mani
jugnuon se kaho ghurur nahin
lakh nuqsan ho raha ho magar
apne lahje mein ji huzur nahin
ye kitaben hi mai-kada hain mujhe
'ilm jaisa koi surur nahin
sab iradon pe munhasir hai janab
warna manzil to koi dur nahin
meri taqdir mein raqam 'kashif'
sirf tarikiyan hain nur nahin
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
