hote hain wahi ilm ke darje mein samundar
hote haiñ vahī 'ilm ke darje meñ samundar
aatā hai samonā jinheñ kuuze meñ samundar
ik roz paḌhāne se mu'allim nahīñ bante
bantā hai samundar bhī to 'arse meñ samundar
pyāse ko bhī lazzat kī paḌī hai ye sitam hai
ab kyā kare batlā.iye aise meñ samundar
ab chhīn ke bhī ḳhush nahīñ tālāb vo ham se
qismat se hameñ mil gayā badle meñ samundar
mushkil meñ bhī kuchh ho to vo bad-hāl lagegā
ābād hai jis ke bhī mohalle meñ samundar
jab nikle tamannā liye ham ek nadī kī
phir rukte nahīñ dekh ke raste meñ samundar
paanī ke bhī shohrat ke taqāze haiñ judā sab
mīThe meñ nadī nahr haiñ khāre meñ samundar
'gauhar' kī mohabbat meñ koī Duub na jaa.e
rahtā hai isī baat ke ḳhadshe meñ samundar
hote hain wahi 'ilm ke darje mein samundar
aata hai samona jinhen kuze mein samundar
ek roz paDhane se mu'allim nahin bante
banta hai samundar bhi to 'arse mein samundar
pyase ko bhi lazzat ki paDi hai ye sitam hai
ab kya kare batlaiye aise mein samundar
ab chhin ke bhi KHush nahin talab wo hum se
qismat se hamein mil gaya badle mein samundar
mushkil mein bhi kuchh ho to wo bad-haal lagega
aabaad hai jis ke bhi mohalle mein samundar
jab nikle tamanna liye hum ek nadi ki
phir rukte nahin dekh ke raste mein samundar
pani ke bhi shohrat ke taqaze hain juda sab
miThe mein nadi nahr hain khaare mein samundar
'gauhar' ki mohabbat mein koi Dub na jae
rahta hai isi baat ke KHadshe mein samundar
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
