fida ki hai teri rah mein fana ki

fidā kī hai tirī rah meñ fanā kī

mirī hastī musībat thī davā kī

tujhe ham māvarā samjhe hue haiñ

'ibādat hai mohabbat māvarā kī

nadāmat se mirā sar jhuk gayā hai

mujhe hājat huī jab bhī du'ā kī

nizām-e-do-jahāñ barham huā hai

nigāhoñ ne zarā sī ik ḳhatā kī

vafā mushkil thī so rab ne hameñ dī

jafā āsān thī tujh ko 'atā kī

zamāne kā hai Dar 'vāsif' vagarna

hai un kī baat meñ shoḳhī balā kī

fida ki hai teri rah mein fana ki

meri hasti musibat thi dawa ki

tujhe hum mawara samjhe hue hain

'ibaadat hai mohabbat mawara ki

nadamat se mera sar jhuk gaya hai

mujhe hajat hui jab bhi du'a ki

nizam-e-do-jahan barham hua hai

nigahon ne zara si ek KHata ki

wafa mushkil thi so rab ne hamein di

jafa aasan thi tujh ko 'ata ki

zamane ka hai Dar 'wasif' wagarna

hai un ki baat mein shoKHi bala ki