hunar ke dast-e-mubarak se tan ka hissa kaT
hunar ke dast-e-mubārak se tan kā hissa kaaT
suḳhan jo karnā hai to apnā hī kaleja kaaT
nikāl apne liye raah pāniyoñ se bhī
tujhe jo paar utarnā hai mauj-e-dariyā kaaT
mohabbatoñ meñ dikhāvā na ho to achchhā hai
anā ke thaan se kapḌā koī to sastā kaaT
mohabbatoñ ke badan hote haiñ baḌe nāzuk
milī hai ruup kī talvār thoḌā halkā kaaT
falak ke paar tirā muntazir hai ik sūraj
buland barf kī dīvār meñ darīcha kaaT
harīf chhup ga.e haiñ āstīn meñ 'ādil'
balā kī biin bajā dushmanoñ kā rasta kaaT
hunar ke dast-e-mubarak se tan ka hissa kaT
suKHan jo karna hai to apna hi kaleja kaT
nikal apne liye rah paniyon se bhi
tujhe jo par utarna hai mauj-e-dariya kaT
mohabbaton mein dikhawa na ho to achchha hai
ana ke than se kapDa koi to sasta kaT
mohabbaton ke badan hote hain baDe nazuk
mili hai rup ki talwar thoDa halka kaT
falak ke par tera muntazir hai ek suraj
buland barf ki diwar mein daricha kaT
harif chhup gae hain aastin mein 'adil'
bala ki bin baja dushmanon ka rasta kaT
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
