har naqsh mein mu-qalam ke andaz dil KHun mein tar nahin nikalte

har naqsh meñ mū-qalam ke andāz dil ḳhuun meñ tar nahīñ nikalte

fankār hai dastkār jab tak andar se hunar nahīñ nikalte

har shakl meñ kitne vasf bhī haiñ har naqsh meñ koī nuqs bhī hai

shīshe kī safā meñ 'aks bhī hai chīzoñ se asar nahīñ nikalte

ajsām his-e-numū se mahrūm gahrā.ī-e-ḳhāk meñ gaḌe haiñ

go ye bhī daraḳht se khaḌe haiñ khamboñ se samar nahīñ nikalte

go ham meñ hai zauq kā sabhī kuchh ye kyā kabhī kuchh haiñ ham kabhī kuchh

ik shauq gale lagā.eñ aisā jis tauq se sar nahīñ nikalte

nāyāb agar haiñ dard apne zaḳhḳhār bhī koī ḳhud meñ DhūñDeñ

Dūbeñ to samundaroñ meñ Dūbeñ Dhāboñ se guhar nahīñ nikalte

kankar bhī agar girā.e koī 'kausar' na girāo zindagī ko

patthar bhī banāo zindagī ko miTTī se sharar nahīñ nikalte

har naqsh mein mu-qalam ke andaz dil KHun mein tar nahin nikalte

fankar hai dastkar jab tak andar se hunar nahin nikalte

har shakl mein kitne wasf bhi hain har naqsh mein koi nuqs bhi hai

shishe ki safa mein 'aks bhi hai chizon se asar nahin nikalte

ajsam his-e-numu se mahrum gahrai-e-KHak mein gaDe hain

go ye bhi daraKHt se khaDe hain khambon se samar nahin nikalte

go hum mein hai zauq ka sabhi kuchh ye kya kabhi kuchh hain hum kabhi kuchh

ek shauq gale lagaen aisa jis tauq se sar nahin nikalte

nayab agar hain dard apne zaKHKHar bhi koi KHud mein DhunDen

Duben to samundaron mein Duben Dhabon se guhar nahin nikalte

kankar bhi agar girae koi 'kausar' na girao zindagi ko

patthar bhi banao zindagi ko miTTi se sharar nahin nikalte